《肯亞的阿根廷日誌-撞進了冰山 轉上了急彎 一秒從未想折返》
除左Iguzu 大瀑布，阿根廷另一個大check point 非Los Glaciares National Park裡的Perito Moreno Glacier莫雷諾冰川莫屬。成日係電視聽到冰川融化令全球上位上升，今日終於親身去睇下到底冰川是什麼。
入到國家公園，我地就要坐船去另一面近距離接觸冰川。首先係一個一望無際既湖，然後慢慢見到盡頭透出一絲藍光，直至整座冰川活現眼前。我唔識用文字去形容果一種藍，係好夢幻、好冰極、好神秘、又透明既藍。然後你會奇怪，原來藍色是可以這麼不可思議。
莫雷諾冰川係一個會前進既冰川，從20萬年前開始從無間斷，每日大約向前移動30cm。前面既冰川每隔十分鐘就會有一次冰崩，你可以想像情況就好似十級山泥傾瀉。七十幾米高嘅巨型冰塊伴隨著一聲雷鳴巨響，係五秒之內沉落湖底，連企係對面岸都可以感受到到地面輕微震動。不過如果想親眼見證冰崩既一刻，係需要好多耐性同幸運，因為冰崩五秒之後一切又會回復平靜。
係對面岸欣賞完冰川之後就係時候去見下佢既廬山真面目。大約$1000HKD既tour就會包括冰川健行既部分，等你可以著住冰爪係冰川上面行走。一路上你會見到冰洞、冰湖、冰河，而靚呢個字已經唔足以形容眼前既景象。如果我未親眼見過，我絕對唔會想像到原來世界上存在住呢一種美麗。
健行部分大約係一個鐘頭多d，著住冰爪係冰上面行上行落都咪話唔辛苦，所以最後當然要以一杯冰川whisky 慰勞下自己啦。教練會每人派一杯whisky，再加一粒冰川既天然冰，一齊享受正宗既whisky on the rocks，而我敢講呢一杯野好肯定係我人生中飲過最難飲既酒。
最後旅程就係呢一杯苦澀之中完左。望住冰川其實並無一種好開心既感覺，只有一份平靜、敬畏。Los Glaciares National Park入面有一條守則我自己覺得好有意思。
"Leave like you have never been here"
唔帶走任何野，亦都唔留低任何野，就好似從來無黎過一樣。望住冰崩既一刻，我唸對大自然最好既，應該係人類從來無黎過地球。
Search